MAGIM CONGRES 2023

Geredja Musti Taruh Aandacht Yang Basar Par MAGIM

Congres MAGIM 2023 di biking pada tanggal 6 Februari 2023 di MKC Houten. Pengadjar, Badan Madjelis Geredja (BMG), Pendeta dan Pengurus MAGIM bakumpul, bacarita, dan baku tukar pikiran tentang pelajanan MAGIM.

Pada congres MAGIM 2023, Pdt. Michael Patawala bicara soal hasil onderzoek yang antua biking di 46 djemaat GIM di Belanda. Pendeta Patawala bilang kalo BMG, Pengadjar, Pendeta musti taruh aandacht yang basar voor MAGIM. Pdt Patawala juga bilang kalau MAGIM musti dapat tampa khusus dalam ibadah ahad. Ana ana MAGIM musti juga dapa tugas untuk baca Alkitab atau manjanji dalam ibadah ahad. Dalam ibadah ahad ana ana MAGIM juga bisa carita dong pung werkstuk dan pimpin doa pende. Pdt Patawala bilang kalo BMG, Pendeta, dan Pengadjar musti biking supaya ana ana MAGIM rasa kalau kerk itu juga dong pung rumah.

Pdt. Theo Pattinasarany juga bilang kalo BMG, Pengadjar, dan pendeta musti investeren par MAGIM. Kalao MAGIM bajalan bagus, maka nanti juga ada ana ana muda yang mau iko katekesasi. Maar tapi kalo MAGIM seng bajalang deng bai dalam djemaat, maka nanti juga susa par dapa ana ana muda yang mau datang iko katekesasi.

Jadi mari katong samua baku gandeng tangan dan kasi bangong kombali MAGIM di katong pung djemaat. MAGIM paleng penting dan dong itu katong pung generasi masa depan yang nanti pimpin Geredja Maluku di Belanda.